韩星金裕贞及朴炯植、林恺铃、陈汉娜、朱鉴然、邓爱嘉、林恬儿、梁安琪等出席电影首映礼。早前《地狱大状》中,林恺铃与Jeffrey魏浚笙激咀惹讨论,有粉丝更形容魏浚笙「不检点」,其后他在网上澄清当日身兼经理人的女朋友Evelyn也在场。林恺铃接受访问,表示平时睇剧,会和妈妈龚慈恩一齐睇一齐讨论剧情,表示妈妈也会对她的演技提出意见,令她进步。她坦言,两母女一齐睇剧时,就好似两个拍档坐在一起分析剧情,也表示相当期待与妈妈一同演出。
林恺铃称Evelyn在场俾贴士讲到早前与Jeffrey魏浚笙激咀的剧情一事,她腼腆的表示没有与妈妈一齐睇,说:「好似细个同屋企人睇到情慾戏咁,worse 100倍。」拍激吻戏份时魏浚笙的女朋友Evelyn也在场,又会否觉得尴尬?她回答说不会:「我觉得如果尴尬,就真係完全低估咗Evelyn嘅专业程度,因为佢係真係一个非常之叻、好专业嘅一个经理人嚟。佢在场反而又畀返贴士我哋。」
林恺铃拍摄时只注重镜头如果有粉丝问,与魏浚笙接吻感受是怎样,她回答,相比起「体感」,她更注重如何迁就镜头拍摄:「要睇住个cam去咗边,个心谂住个cam多过体感。」她也大讚Evelyn专业,说:「我觉得要帮Evelyn讲返句说话。大家真係唔好低估佢嘅专业,佢除咗係Jeffrey女朋友之外,仲係一个专业经理人。如果大家仲以用佢係女朋友角度睇,完全忽视咗佢係一个好叻嘅女仔。Jeffrey咁成功,背后一定係因为Evelyn都非常之专业,同埋真係知道点样管理艺人。」
陈汉娜自爆曾为电影疯狂减磅陈汉娜接受访问,她表示没有幻想过自己会行骚,笑言:「身材好啲就好啲。」有记者问想不想行骚,例如Victoria Secret,她也回答:「要好有恆心。」讲起身材管理,她表示自己为电影曾疯狂减磅:「瘦到自己都觉得瘦,见到胸骨。」不过,她也直言,相比起减磅更怕要增肥。
陈汉娜澄清校园欺凌传闻唔係事实近日林恺铃激咀魏浚笙成为话题,她表示有留意,坦言觉得是「剧情需要」。当年她曾与Anson Lo拍接吻戏,问及她当年有没有被网民大肆批评?她回答:「好似冇,因为都唔係咀得好狼。(有没有被网民攻击?)好彩都冇,因为Anson Lo啲粉丝好好,拍紧嗰时会话『加油呀、辛苦晒』。」问到她被捲入两单校园欺凌事件,她回答:「首先唔係事实,讲返以前啲嘢出嚟,我自己觉得已经唔係咁,所以之前都回应咗。」又讲起早前袁澧林metoo事件,她坦言未曾遇过,也说:「都係双方尊重。其实都係一个工作,点解要咁?讲咁多呢啲唔关事嘅嘢。首先我好少同人讲嘢,所以应该冇乜机会有人对我咁做,如果有人讲啲咁嘅嘢,我会觉得好odd。(唔舒服?)都会唔舒服,演员嚟做访问讲啲咁嘅嘢。」
© 版权声明
文章版权归作者所有,未经允许请勿转载。
THE END







暂无评论内容