黄妍港铁素顔遇旧爱险吓破胆 Michael C按摩𠱁Serrini父母

黄妍港铁素顔遇旧爱险吓破胆  Michael C按摩𠱁Serrini父母 黄妍、Michael C日前出席「长者港铁安全运动」,透过音乐向「老友记」宣传铁路安全讯息和分享乘搭港铁时的有礼好行为。黄妍自爆与长者倾谈甚有心得,甚至被对方嫌弃「啰嗦」:「佢哋好锺意分享,因为以前读书时做义工,去盲人安老院帮长者写生命回忆录,同佢哋讲少少往事,就好多嘢同你分享。」并笑指车站充满回忆:「大家成日话『最丑样』嘅时候,就会遇到你嘅『前男友』,未入行嘅时候我试过收工时间,冇化妆真係残到吓死人, 嗰时我好劲近视、戴住副好厚嘅眼镜,点知一行入车厢就见到个『ex』, 好彩佢冇抬高个头见到我。(佢同新女友一齐?)佢自己一个,好彩!如果唔係我即刻拧转面,即刻落车!」黄妍笑言现在充满自信,重遇旧爱都会主动打招呼。
Michael C怂恿黄妍行性感路线同场的Michael C怂恿黄妍「变身」性感,令她哭笑不得:「我唔明大家做乜咁想睇我着得性感?如果真係要少布啲嘅话,要预早通知我準备,唔好杀我一个措手不及!我成屋最性感嘅衫已经係运动嘅装束,俾我慢慢嚟啦。(性感拍剧演戏得唔得?)唔得!」提到最后两个月冲击乐坛颁奖礼,黄妍大打「开口牌」希望可在颁奖礼中唱歌,即意味获取「歌曲奖项」:「係身边啲人同我讲有啲机会,但唔係我可以控制嘅,我只可以唱好每一首歌 。(同炎明熹争资源攞奖?)我又冇理过,死喇!哈哈哈哈,我係极度『佛系』!」
Michael C赴泰闭关写歌至于Michael C就透露自己教健身有助沟通,𠱁得Serrini父母欢心:「我就因为本身係健身教练,而家教Serrini父母做GYM,本来伯母唔想嚟,所以我出动按摩环节帮佢鬆膊头,搞到佢好relax、好开心。而家每一次都问『几时按摩啊?』,我就要佢做完运动先得!」。Michael C更斗胆叫黄妍做GYM修身,着她走性感路线突破自己:「其实佢仲好fit,只係做艺人要突破自己,嚟紧我自己都会去开一个结他音乐会,又会飞到去泰国闭关写歌,希望到时有好好收穫,大家又会赏面攞我啲歌去唱。」

© 版权声明
THE END
喜欢就支持一下吧
点赞703 分享
评论 抢沙发

请登录后发表评论

    暂无评论内容